GKR -10 ára

GKR - 10 ára

10 ár eru liðin frá því að GKR gaf út plötuna „GKR“ í formi morgunkornspakka í Kjötborg og því ber að fagna!

Tónleikarnir sem fara fram í Iðnó munu líkt og allt sem GKR gerir, vera einstök upplifun.

Þann 10. október fyllir GKR Iðnó ásamt vel völdum gestum. Þetta eru fyrstu miðasölutónleikar GKR á Íslandi í 9 ár og einstakt tækifæri til að taka á móti honum á heimavelli.

Hann er loksins fluttur heim eftir 5 ára dvöl í Noregi og getur ekki beðið eftir að sýna ykkur hvað lært hefur.

GKR ættu allir íslenskir tónlistarunnendur að þekkja en hann kom fram á sjónarsviðið árið 2015 með laginu sínu "Morgunmatur". Í dag er hann einn fremsti rappari landsins, þekktur fyrir rafmagnaða sviðsframkomu, framúrstefnuleg tónlistarmyndbönd og að koma íslensku rappi á heimskortið.

UPPHITUN: tatjana & ungurorri

Takmarkaður fjöldi miða á forsöluverði (NÝTIÐ YKKUR ÞAÐ)

VARÚÐ! SJALDGÆFUR VIÐBURÐUR. HÆTTULEGA GÓÐIR TÓNLEIKAR.